6 начини да ја подобрите вашата флексибилност

Времето кое го поминуваме надвор од теретана најчесто вклучува многу седење или стоење во една (обично неправилна) позиција. По некое време ова резултира со целокупно неправилно држење на телото кое ги оптеретува зглобовите, мускулите и тетивите, што ве прави подложни на повреди и ве спречува да го постигнете максимумот од вашите физички активности. Единствениот начин да ја подобрите оваа состојба е да се фокусирате на вашата флексибилност.

Дури и да внимавате на вашето држење, со текот на годините мускулите природно ја губат нивната флексибилност, стануваат покрути и поподложни на појава на болки и ограничени движења, што ја намалува и функцијата на зглобовите. Затоа флексибилноста е значаен дел од фитнесот.

Со добра флексибилност ќе го намалите ризикот од повреди и ќе бидете подготвени за изведување на вежби со голем опсег на движења кои до сега не сте можеле да ги изведете со добра форма. Флексибилноста исто така ќе ви помогне во наједноставните секојдневни активности – одење, трчање, наведнување, кревање на тешки предмети и ќе ги намали болките кои често се појавуваат во долниот дел на грбот, колената, рамењата, и сите зглобови на телото.

Како до поголема флексибилност?

Сакам да ви препорачам 6 начини на кои можете да ја подобрите флексибилноста и да го постигнете максимумот на вашите физички способности. Ако сакате да го следите прогресот, можете да ја тестирате вашата флексибилност со едноставно наведнување со исправени нозе и исправени раце надолу кон прстите на нозете. Веднаш ќе почувствувате во кој дел од телото се појавуваат болни затегнувања. Повторувајте го овој тест еднаш неделно и ќе забележите до кој степен сте постигнале подобрување.

тест за флексибилност

1. Динамично загревање пред тренинг

Оставете го статичното истегнување за крај на тренингот, а започнете го со динамично загревање. Направете неколку вежби со сопствената тежина кои вклучуваат поголеми движења и активирање на повеќе мускулни групи – чучњеви, исчекор, страничен исчекор и склекови. Обидете се да изведете 2 до 3 серии од по 20 повторувања од секоја вежба. Ова ќе ви помогне да го загреете телото за тренингот кој следи и да ги раздвижите мускулите, зглобовите и тетивите.

Интересно:  Дали ви се потребни БЦАА суплементи?

флексибилност - загревање пред тренинг

2. Вежби кои вклучуваат целосен опсег на движење

Изолираните вежби ќе ви помогнат многу во стекнување на поголема сила и мускулна маса, но за да работите на вашата флексибилност и за време на вежбањето, практикувајте и вежби со целосен опсег на движење. На пример – длабоките чучњеви помагаат да ја подобрите флексибилноста на колковите. Само внимавајте на тежините кои ги користите при првото изведување на нови вежби од овој вид. Вежбајте со најмалите тежини сè додека не сте сигурни дека ја изведувате вежбата со правилна форма.

флексибилност - динамично загревање

3. Статично истегнување после тренинг

Статичното истегнување се состои од поставување на телото во положби во кои мускулите и тетивите се истегнати подолго време (20-30 секунди). За тоа време телото се навикнува на позицијата и мускулите се опуштаат од напорот низ кој поминале за време на тренингот. Кај истегнувањата не треба да чувствувате болка. Во првите неколку секунди треба да чувствувате затегање, по што следи опуштање на целото тело. Вклучете позиции во кои ќе ги истегнете градите, грбот и колковите, бидејќи тие најмногу страдаат од неправилно држење на телото.

флексибилност - истегнување

4. Професионална масажа

Претходните 3 чекори ќе ви помогнат многу за подобрување на вашата флексибилност, а професионалната масажа ќе ве однесе уште еден чекор подалеку во оваа цел. Масажата помага да се разбијат чворовите во мускулните и другите ткива кои можат да бидат пречка при изведување на движења во полн опсег. Затоа доколку сте во можност ангажирајте професионален масер барем еднаш во месецот за да се опоравите од тренинзите и да го регенерирате телото.

флексибилност - масажа

5. Вода

За да можат да реагираат соодветно на вежбите за флексибилност, мускулите мора да функционираат оптимално. Тоа значи дека треба да бидат доволно хидрирани бидејќи водата е значаен дел од составот на мускулните ткива. Освен тоа што треба да внесувате многу вода во текот на денот за да ги постигнете вашите фитнес цели, посебно внимавајте на хидратацијата за време на вежбањето.

Интересно:  Тренинг на плажа - 6 лесни вежби со големи ефекти

флексибилност - вода

6. Додатоци во исхраната за поголема флексибилност   

Како што спомнав на самиот почеток, нашето тело со текот на годините природно ја губи флексибилноста. Ова се должи на помалата активност на мускулите, но и на промените кои се случуваат во коскениот систем, поконкретно кај зглобовите. Затоа е важно константно да ја подобрувате флексибилноста за да спречите повреда или пак да се опоравите од веќе постоечка. Во оваа мисија можат многу да ви помогнат додатоците во исхраната – витамини, минерали и регенератори.

Кај нас од неодамна е достапен одличен природен суплемент кој помага за подобрување и одржување на мобилноста на зглобовите и тетивите, како и успорување на процесот на стареење на ‘рскавицата. Базиран е на куркумин, био-оптимизиран екстракт од куркума кој е познат по неговите антивоспалителни својства. Најсилната страна на куркуминот е во тоа што делува превентивно на болката во самиот извор, наместо да ја намалува откако веќе ќе се појави. Заради фактот што со консумирање на куркума се внесува многу мала количина куркумин, Flexofytol e создаден со био-оптимизирање на овој екстракт, со што многу полесно и побрзо можете да ги искористите неговите позитивни својства. Една капсула Flexofytol содржи 42мг од овој екстракт, за што инаку би ви било потребно да изедете 1 килограм куркума за да ја внесете оваа количина куркумин. Доволни ви се само две капсули дневно за постигнување на оптимални резултати.

суплементи за флексибилност

Share Button

Leave a Reply

Your email address will not be published. Required fields are marked *