Ослободете се од абдоменалните масти – 10 ефикасни совети

Без разлика на вашите години, телесна тежина и животни навики, сигурен сум дека се борите со одреден вишок на абдоменални масти кои ја нарушуваат вашата идеја за идеалната фигура која можете да ја имате. За жал, за разлика од масните наслаги на другите делови од телото, абдоменалните масти не се само површински, туку одат толку длабоко што ги зафаќаат вашите органи. Оттаму, вишокот абдоменални масти не само што го нарушува вашиот изглед, туку влијае и на вашето здравје. Затоа, дури и ако сте задоволни од вашиот изглед, ви препорачувам да се ослободите од овие масни наслаги штом забележите дека сте почнале да ги складирате на вашиот абдомен.

10 совети за топење на абдоменалните масти   

Пред да навлеземе во начините за ефикасно справување со вишокот абдоменални масти, треба да знаете дека ова не се „магични“ трикови со кои за 7 дена ќе го добиете идеалниот стомак кој отсекогаш сте го посакувале. Она што следи се совети кои ќе ви помогнат да ја остварите вашата цел лесно и брзо, но и да уживате во долготрајни ефекти од промените кои ќе ги направите.

топење на абдоменалните масти

1. Контролирајте го внесот на јаглехидрати

Најверојатно ви е познато дека за намалување на вишокот масти прво нешто што треба да го направите е да го минимизирате внесот на јаглехидрати. Правилото за исклучување на јаглехидратите од исхраната ќе ви помогне во процесот на слабеење во првите 6 месеци. Доколку практикувате ваква исхрана подолго време ќе го стабилизирате нивото на триглицериди и HDL – добриот холестерол, но ризикувате да го покачите LDL – лошиот холестерол. Затоа, одвреме-навреме менувајте го вашиот план на исхрана. Најдобро е да ротирате помеѓу исхрана со малку јаглехидрати, исхрана со висок внес на јаглехидрати и исхрана која се базира на рестрикција на калории.

2. Консумирајте храна со низок гликемиски индекс

Гликемискиот индекс е мерка за тоа колку време ѝ е потребно на храната за да го покачи шеќерот во крвта. Храната со висок гликемиски индекс предизвикува брзи покачувања, додека онаа со нисок гликемиски индекс постепено го покачува шеќерот. Брзите промени резултираат со лачење на повеќе инсулин, што влијае на складирањето масти во телото. Затоа, за топење на абдоменалните масти консумирајте храна која има низок гликемиски индекс: интегрален ориз, интегрални тестенини, компир, грав, грашок, леќа, боранија, мусли без засладувач, праски, јаболки, цреши, лимон, круша, суви смокви, суви кајсии, сончогледови семки, јогурт, цвекло, морков, домати, какао, карфиол, краставица, маслинки, кикиритки, лешници, бадеми, ореви, спанаќ, брокула, зелка, зелена салата.

3. Внесувајте многу протеини

Следењето на режим на исхрана за намалување на вишокот масни наслаги е тешко заради тоа што внесот на калории е помал, што го успорува метаболизмот и предизвикува посилно чувство на глад. Нискокалоричниот режим на исхрана го активира трошењето на протеини кои организмот ги користи за енергија, и со тоа мускулите се трошат. Затоа е важно да консумирате повеќе протеини доколку сакате да ги намалите масните наслаги и да ја задржите мускулната маса. Протеините исто така го намалуваат нивото на инсулин и го намалуваат апетитот. Еден од успешните трикови за намалување на абдоменалните масти е пиење на протеински шејк 20 минути пред оброк. Доколку вежбате редовно и внесувате доволно протеини, за кратко ќе забележите промена на вашето тело.

Интересно:  Колку повторувања треба да правам во една серија ?

протеини против абдоменалните масти

4. Следете ги правилата на медитеранската кујна

Медитеранската кујна е популарна помеѓу луѓето кои следат насоки за исхрана која ќе им помогне во справувањето со вишокот килограми. Но, овој тип на исхрана е особено ефикасен за намалување на абдоменалните масти, како и за одржување на здравиот метаболизам. Во основата на медитеранската кујна се тестенините, маслиновото масло, овошјето, зеленчукот, посното месо, рибата и јаткастите плодови.

5. Јадете риба

Рибата има висока хранлива вредност, а ниска калориска вредност. Покрај тоа што ќе ви помогне да го намалите вишокот масти на абдоменот, исхраната која вклучува многу риба ќе ви помогне да се одржувате во добро здравје. Бакаларот е одличен избор бидејќи има лесен вкус, низок процент на масти, а висок процент на витамини А, Е и Д, како и омега-3. Редовното консумирање на бакалар го намалува крвниот притисок, триглицеридите и инсулинот.

6. Не ги заборавајте јаткастите плодови

Ако сакате да ги намалите абдоменалните масти, јаткастите плодови мора да станат дел од вашата исхрана. Тие ќе обезбедат здрави масти и протеини кои му се потребни на вашето тело, а истовремено ќе го подобрат вашиот метаболизам со тоа што ќе го забрзаат искористувањето на хранливите состојки од храната која ја внесувате. Тие исто така содржат голем број на хранливи состојки кои ќе го подобрат вашето здравје. Оревите се богати со Б6, фосфор, магнезиум, цинк и бакар, кикиритките со фосфор, калциум, магнезиум, нијацин, витамин Е и калиум, бадемите се богати со рибофлавин, витамин Е, магнезиум, цинк и фосфор, а ф’стаците со витамин Б6, железо, манган, магнезиум, фосфор, цинк и калиум.

јаткасти плодови против абдоменалните масти

7. Пијте зелен чај

Зелениот чај е познат по неговите силни ефекти врз забрзувањето на метаболизмот и намалувањето на апетитот. Истражувањата покажуваат дека катехинот кој го содржи зелениот чај значително ги намалува абдоменалните масти – површинските, но и оние кои се складирани подлабоко под кожата. Зелениот чај исто така помага при регулирање на шеќерот во крвта, има антиоксидантни својства и многу други позитивни ефекти врз здравјето. Но, не претерувајте со консумирање на овој пијалок бидејќи како и сè друго, тој може да предизвика и негативни ефекти на вашиот организам доколку го внесувате во преголеми количини.

Интересно:  Тренинг на плажа - 6 лесни вежби со големи ефекти

8. Внесувајте многу вода

Иако овој совет го слушаме често, сепак се чини дека пиеме вода дури тогаш кога ќе почувствуваме дека сме жедни. А тогаш е доцна, бидејќи чувството на жед покажува дека веќе сме дехидрирани. Покрај тоа што е  неопходна за правилно функционирање на организмот, водата го зголемува трошењето на енергија во телото со што го забрзува процесот на слабеењето. За топење на масните наслаги многу е важно да се пие доволна количина на вода. Ако на организмот му недостасува вода тој почнува да ја задржува течноста која ја има, а тогаш стомакот се зголемува.

пијте вода против абдоменалните масти

9. Вежбајте подолго од обично

За топење на абдоменалните масти е важно да вежбате подолго, не поинтензивно. Колку подолго го изложувате телото на физичка активност, толку повеќе ќе троши масти. Ако го зголемите интензитетот на вежбите, телото ќе почне да ги троши јаглехидратите за енергија. Обидете се да го продолжите времето на вежбање. Доколку не можете да го направите тоа со одржување на истиот интензитет со кој сте вежбале претходно, намалете го само онолку колку што ви е потребно да издржите уште 20-30 минути вежби по кратка пауза од првата серија вежби.

10. Направете план и придржувајте се до него

Редовното вежбање и придржувањето на планот на исхрана кој сте го зацртале се проект на кој треба да се посветите за да функционира. Доколку не посветувате внимание, за кратко ќе почнете да прескокнувате оброци, да ги прекршувате правилата и да се фрустрирате зошто не ги гледате резултатите кои ги очекувавте. Следењето на временски распоред за исхрана и вежбање ќе ви помогне да бидете конзистентни во вашите напори и побрзо да стигнете до вашата цел за подобрување на изгледот и здравјето. Доколку не сте доволно самодисциплинирани да се придржувате на правилата во подолг временски рок, правете го ова со пријател кој има иста цел, или пак најмете персонален тренер кој ќе ви помогне во контролирањето на вашите навики и применувањето на најефикасните вежби и исхрана за постигнување на целта која сте ја зацртале.

Share Button

Leave a Reply

Your email address will not be published. Required fields are marked *