4 најчести грешки при зголемување мускулна и телесна маса

Периодот на зголемување телесна маса е омилен за многу луѓе – вклучува многу храна, што значи и многу енергија за вежбање. Но, тој исто така носи ризици со себе кои можат да донесат резултати какви што не посакувате. Затоа внимавајте да не ги правите овие 4 грешки и подгответе го телото за мускулната маса што сакате да ја видите на себе.

1. Невнимание во исхраната

Зголемување телесна маса значи повеќе храна, но не која било храна. Ако не внимавате ќе накачите тежина ама не онаа што ви треба. Едуцирајте се како да му обезбедите на телото калории кои може да ги искористи повеќе за мускулна маса наместо да ви таложи непотребни масти. Другата крајност што може да ви се случи е внесување помалку храна од тоа што ви е потребно за да постигнете оптимално зголемување телесна и мускулна маса. Научете колку калории ви се потребни за вашата цел, колку од нив треба да ги консумирате во облик на протеини, јаглехидрати и масти, и колку од нив можете да ги земете во облик на суплементи.  

зголемување телесна маса - исхрана

2. Неодредена цел

Ако не знаете конкретно кон што целите во периодот на зголемување телесна маса ќе стигнете до она што не го сакате. Штом вагата и метрото ќе покажат поголеми бројки ќе паднете во искушение да бркате уште поголеми бројки. Но, ако овој период трае предолго ќе почнете да забушавате со исхраната обидувајќи се само да ги постигнете калориските цели и ќе завршите со вишок килограми наместо со зголемена мускулна маса. Од друга страна пак, ако постојано се колебате дали треба да продолжите или да престанете со зголемување телесна маса ќе се изгубите во несигурноста и на крајот нема да постигнете ништо. Затоа е важно да си поставите долгорочни, а потоа и краткорочни цели. Само така ќе знаете точно што треба да правите и до кога, и во однос на исхрана и во однос на тренинг.

зголемување телесна маса - нетрпение

3. Форсирање на тренингот

Зголемениот внес на калории ќе ви даде енергија, а тоа ќе ве стави во искушение да го тестирате сопствениот лимит затоа што така се зголемува мускулната маса, нели. Не, форсирањето на вашето тело, без разлика колку енергија мислите дека имате по калориски богатите оброци, никогаш не завршува добро. Завршува со премореност, со недовршен процес на опоравување, трошење на мускулите и ставање на телото во ризик од повреди. За зголемена мускулна маса ви треба исто толку одмор колку што ви треба интензивен тренинг. Сигурен прогрес е оној кој се случува постепено.

зголемување телесна маса - форсирање

4. Нетрпение

Иако звучи лесно, зголемувањето на тежина и мускулна маса е проект кој има своја тежина, предности, недостатоци и време во кое треба вистински да му се посветите. Не очекувајте резултати од вашата фитнес програма после 2 недели. Најверојатно ќе ви требаат месеци пред да почнете да се доближувате до целта која ја имате. А и кога ќе ја постигнете, најверојатно ќе сакате повеќе од тоа. Можеби ви звучи поетично и претерано, но фитнесот навистина е патување, а не дестинација. Затоа ќе морате да научите да уживате во секоја негова фаза, дури и тогаш кога нема да бидете најзадоволни од тоа што сте го постигнале.

зголемување телесна маса - нетрпение

Share Button

Leave a Reply

Your email address will not be published. Required fields are marked *