Сакате дефинирани 6 pack стомачни ? Елиминирајте ги овие 3 ГОЛЕМИ грешки

Ако сте сериозни околу намалување на салото околу вашиот струк со цел да добиете видливи, дефинирани стомачни, тогаш ви се потребни неколку минути да ја прочитате оваа статија. Овде ќе ги прочитате едни од НАЈЧЕСТИТЕ грешки кои многумина ги прават кога сакаат да постигнат видливи стомачни кои со сигурност вие треба да ги избегнувате. Овие грешки се многу чести, и ако ги правите може сериозно да ви наштетат и да ве отргнат од она што сакате да го постигнете.

НАЈВАЖНИОТ дел од сложувалката за постигнување на видливи стомачни е диетата/режимот на исхрана. Со овој термин исхрана/диета не се мисли на некоја диета од некое списание или дневен весник, или последната диета на некоја пејачка или глумица што се подготвувала за настап. Со овој термин се мисли на она што и колку јадете. 90% од она што го постигнете зависи од храната која ја јадете, и кога ја јадете.

Треба да се фокусирате на калорискиот внес. Треба да обрнете внимание на храна која има квалитетен извор на калории од протеини, сложени јагленохидрати, незаситени масти и фибриди.

Да погледнеме во 3те работи кои треба да ги избегнувате доколку сакате да добиете видливи стомачни мускули.

 

ГРЕШКА БРОЈ 1 – НЕУСПЕШНО ПОСТАВУВАТЕ РЕАЛНА ЦЕЛ

Оваа грешка е многу честа, и затоа е најдобро од неа да се почне.

Поставена цел е најважен фактор кога сакате да постигнете нешто. Целите треба да се одредени и запишани. Тие исто така треба да бидат достижни и реални. Ако си поставите цели кои се преголеми за вас за да ги достигнете, на тој начин ќе се демотивирате и ќе бидете со сигурност неуспешни.

Да, треба да имате цел која ќе ве предизвикува, но не треба тоа многу над вашите можности. Како на пример, да си поставите цел дека за 3 месеци ќе изгледате како фитнес моделите од списанијата. Тоа може да биде деструктивно на многу полиња, и тоа може да ви одмогне на долготрајните цели. Исто така може да ви ги врати старите навики кои сте ги имале пред  да го почнете новиот lifestyle.

Поставете си цел која е реална за ВАС. Како што сте во моментов, вишокот на масти кои го имате, колку килограми треба да намалите и слично. Еве пример – поминале 4 години кога последен пат сте вежбале, имате лоши навики за храната, имате околу 20 килограми вишок – поставувајќи цел дека за 60 дена ќе намалите 20 килограми не е реално …

НО – поставувањето на цел да се намалат 20 килограми во период од 4-5 месеци е подостижно. Многу е полесно така да си го вметнете во вашиот ум, така полесно ќе го прифатите – кое ќе ви биде еден чекор поблиску да постигнете тоа што сакате.

Клучот е да бидете искрени пред себе каде сте  во моментов и како изгледате –тоа ќе ви биде појдовна точка. Исто така осигурајте се да имате контрола како и колку напредувате преку слики, мерење редовно и слично. Кога еднаш вашата (краткотрајна) цел ќе ја постигнете, време е да се постават нови. Ќе ви требаат нови цели за да ги задржите стомачните мускули за  кои сте работеле напорно да ги добиете.

 goals

 

ГРЕШКА БРОЈ 2 – ГЛЕДАТЕ НА ВАШАТА ИСХРАНА/ДИЕТА КАКО НЕШТО КРАТКОТРАЈНО

 Уште една ГОЛЕМА грешка која треба да се избегнува е пристапот кон диетата  е нешто што ви треба и го правите на привремен, прилично краток временски период. Проблемот тука е тоа што кога ќе ја достигнете таа цел – видливи стомачни мускули, ќе престанете да ги правите работите кои ви го донеле успехот. (Тука повеќето не успеваат да си постават нови цели за да го задржат тоа што го постигнале – погледнете во грешка број 1)

Ако гледате на вашиот режим како нешто краткотрајно, веднаш кога ќе заврши најверојатно ќе се вратите на старите навики, и сте на сигурен пат да бидете онаму каде што сте биле, а не сте сакале. Ова е една од главните причини како многумина си ја враќаат тежината и изгледот пред да ги постигнат видливите стомачни – не откриваат правовремено дека нивната диета не е само нешто што трае одреден временски период, туку тоа е нешто што се трансформира во животен стил и перманентно променување на старите (лоши) навики.

Кога ќе ја постигнете првичната цел (видливи и дефинирани стомачни мускули), поставете си нова цел како да ги задржите долг временски период.

abbs2

 

ГРЕШКА БРОЈ 3 – ПРОБУВАТЕ ДА БИДЕТЕ ПЕРФЕКЦИОНИСТИ ПО СЕКОЈА ЦЕНА

 На почеток, оние кои перфектно ја следат диетата се посветени максимално, следат се како што треба, спијат, јадат и дишат за новиот план како да стигнат до видливи стомачни. И за следните неколку дена или  недели се безпрекорни правејќи го тоа.

НО тогаш нешто ќе се случи..нешто секогаш се случува кога сте под диета. Како резултат на тоа, тие пробуваат некое парче пица, можеби парче чоколадо или пржени компирчиња. И веднаш после тоа тие престануваат со својата диета поради тоа што се доведуваат да мислат дека не успеале во нивниот план.

Големата грешка на “перфекционистите” е тоа што тие толку прават стриктно да ја следат диетата и не си дозволуваат себеси да направат никаква грешка – не вметнуваат денови за “cheat meals”. И тогаш, кога ќе неможат да ја пратат диетата како што треба , тие се откажуваат.

Затоа, за да ја избегнете оваа голема грешка, заборавете да бидете перфекционист. Не се откажувајте веднаш затоа што сте пробале нешто што не сте требале да пробате. Научете од грешката, соочете се со неа и продолжете натаму како ништо да не се случило. Добра диета за добивање на стомачни мускули би требало да содржи и денови каде што еднаш во неделата има еден “забранет оброк” – ОБРОК , а не цел ден – како благодарам на самите себе дека се придржувате до вашата диета за да ја постигнете вашата цел.

Да ја тргнеме настрана перфекцијата. Во ред е да пробате пица или торта од време на време, се додека ги трошите тие вишок калории преку тренингот и го намалувате останатиот калориски внес.

abbbs

Share Button

Leave a Reply

Your email address will not be published. Required fields are marked *